我的父親母親@北京

Posted on

多生一對手一對腳都數不清來了北京多少次。但這是最有挑戰性的一次,因為帶著共146歲的父親母親來觀光+出trip。

父親大人98年已經來過。當時他身體還挺好,正所謂「不到長城非好漢,再到長城正笨蛋」(注:普通話唸才行),於是在當時我畢業後的首個biz trip後,便安排了父親大人上京join我,觀光幾天,成就了一條好漢,製造了一隻笨蛋。

這次本也是business trip,但媽子早陣子忽發奇想,主動提議要來北京食野,難得媽子開到聲,我當然盡力安排啦。但這個仔不大老實(沒必要,也沒辦法),媽要我出trip時順便帶她到北京才安樂,但我覺得是唔work的,於是暗中已經請了四天假(反正積壓的多著),機票自費,叠埋心水來旅遊,找到空檔溜出去辦些事情就算是bonus。

以首天的經驗,帶同兩老來京跟自己出trip的分別有:

1. 帶多很多cash。我媽唔袋成千上萬在身上會很無安全感(「唔聚財」是也),而我平時帶多一點cash都不自在,一般都用咭,全街都是ATM嘛。

2. 第一個上機,最後一個落機。平時我都是在閘口附近,等到最後召集兼最後通碟才進去,飛機降落後嘭嘭聲下機,經常是business class後的第一個(”我是psudo business class”)。這次因用輪椅關係,被安排第一個上機,最後一個下機。

3. 平時從來不寄行李,這次不但要寄,而且還寄輪椅,最後一個提取行李。領回之後,一度因為被壓得太緊,打開不了,嚇下一跳,好彩最後勉強有幸福,使硬解決了。

第一天總算順利,且看後事如何。明日預告:後海,王府井,東方大班按摩


「影乜撚o丫」
坐得最前但等到最後一個下機的媽子,真情流露


金橋國際公寓 崇文區廣渠門北里55號 +86 10 67137788
★★★★☆ 挺不錯,房、廳、厠、廚、二個陽台、broadband、電視連有線、空調、雪櫃、煮食爐、微波爐、洗衣機都有,就rmb410。還有要求?你/妳來北京開一家吧,我幫襯。注意秘技是訂房時自稱是〝掌上靈通公司〞訂的,才會有rmb410的corporate rate(別爆是我講的!)
[click落張相會有video]


指定動作一:東來順,難度分2.0。少許難度是應找用炭爐而非石油氣的分店;另,確定一下的士可停在門口,且門前不會有太多級樓梯,否則輪椅惡搞。


涮羊肉,炭爐才有風味

Comments ( 7 )

  1. Replyckqueen
    上次住京乜都冇食過,唔抵呀. 遲d去多幾次補數.
  2. Reply咪嘈
    阿伯有真喺真情流露啊~^0^ 今次又去睇下升旗喇不如,我估阿伯父会唔会一时心情激动连只脚都利索返,嘿嘿..... 不过click张相都毛有video睇嘅。
  3. Replykin
    有啊, 金僑果張. 3gp來的, 可以用quicktime play. alwaysliving至熟. 睇升旗? 妳即係想我死o既唧...
  4. Replykin
    > 上次住京乜都冇食過,唔抵呀. > 遲d去多幾次補數. 再來,我請。
  5. ReplyAnonymous
    哪哪哪!听者有份啊!下次我又去,你又请!哇咔咔!
  6. Reply咪嘈
    哎呀,上面匿名果个喺我来嘎,我一时毛记得署名,记得请我!
  7. ReplyTyo
    下次坐金橋, 話係美通o既, 唔使4舊水! (唔好話係我講o既!)

Leave a Reply