Category Archives

524 Articles

憨人日記

《Monster》

Posted by kin on

說起追看無線的第四線劇集,近半年星期六晚播的《Monster》,揀片的真要讚一讚。只可惜他/她很可能已經揹鑊了,廣告少得可憐,有時令我以為自己在看亞記。沒被腰斬算是偷笑。(無線譯作《魔刹》,算是水準翻譯,有音有意,但其實叫《怪物》或者乾脆沿用《Monster》的話,我覺得會更好)

早兩年碰到個做教師的小學同學,大力推薦《Monster》,而另一位在中大教書的朋友亦不約而同在看,於是就租來看看(畢業後已沒買漫畫了,花錢,花地方,更不環保),發覺真的很好,所以在這裏推一下。唯一就是後段有點拖拖拉拉。但至少,日本漫畫都會”有始有終”,不會像香港的,王小虎永遠25歲。

至於電視版,也很忠於原著,就是節奏比較慢。但這是放諸所有電視版的漫畫皆準了。另,荷里活也在去年買了《Monster》的電影拍攝權,但進度如何則不得而知。

《Monster》入面最討好的角色,要算古利馬先生。上星期六晚看大結局,古利馬先生臨死時,終於學懂了難過。一時間,十年前的喪子之痛,一下子回來了,很難過,但又很高興死前懂得難過,於是說出相當文藝的對白:〝好像十年前的自己給自己寄了封信,現在終於收到了。”這卻讓我想起包括自己在內的城市人,周一至周五,情緒通通delay,周五晚起的48小時是爆發的高危時間。說穿了,大家都是怪物。

說起喪子之痛,又想起前天金像獎裏的廖啟智。個人覺得他在《殺破狼》的配角演得比黃秋生在《頭文字D》的文泰好。當然啦,我是一介哩民,人家評委是才是”專家”。

《Monster》on Amazon
《Monster》on Wiki (en)
《Monster》on Wiki(jp)

憨人日記

茶煲

Posted by kin on

真係鬼都冇咁靈, 一咒小芙蓉, tvb即刻從善如流, 尋晚就即刻大結局!

更估唔到o既係, 接棒o既竟然係茶煲同船頭尺..

非常過份.. 橫掂都係偷訊號, 點解唔偷埋俾北京? 反正tvb都冇乎架啦. 九十幾個台, 想搵個講廣東話o既都冇..

table for two?

@北京.想走

憨人日記

放過我吧小芙蓉

Posted by kin on

無線的四線劇集, 只有第四線 (零時十分) 我可以看到, 而且不知怎的好像特別好看. 雖然是重播的, 但反正首映時我沒看過, 對我來說也算是新的了. 追得最盡力是年多前播的《創世紀》, 演得不錯, 劇本出奇的時尚. 尤其人在廣州, 做了一整天到零時, 假如不用應酬, 肯定要看了心理才能平衡. 其後的《烈火雄心II》, 《刑時偵輯檔案》等 (I,II還不肯停, 還要III), 能引起我興趣的好像越來越少. 先陣子比較有趣的《難兄難弟》, 正開始追, 怎知出差北京便已錯過了大結局, 鬱悶.. 甚至好像忽然感到飄泊了.

不想看的《大鬧廣昌隆》, 希望也能像《難兄難弟》般, 在我這趟出差北京期間不知不覺的落幕吧. 其實, 老媽子挺喜歡看的, 我這樣想還不算太不孝吧?

憨人日記

奶茶

Posted by kin on

對劉若英認識不深, 就看了《20.30.40》和《天下無賊》, 買了一張精選 (讓我買專輯的歌手還不算太多).

早陣子出差北京, 在樓下7-11隨手買了兩本書, 一本是林夕覺得很”抵睇”的張小嫻的《ChannelA III》, 另一本是劉若英的《我想跟你走》. 前者不說了. 但後者, 嘩, 居然很好看, 尤其前半部分. 搞不清是我期望太低, 看書太少, 還是的確寫得很好. 總之, 推介一下.

在北京的7-11賣¥25, 大陸的Amazon更只賣¥16.7, 在香港的大眾也見到, 好似$80 (sigh), 至於香港的網上書店呢? 好似執清光了 (sighhhh).

憨人日記

睇死

Posted by kin on

月前同朋友J食飯, 比較正經地講起話打算今年讀書.

朋友J煞有介事地將消息轉告朋友S, S刻薄地話(雖然J無形容, 我無見到, 不過怕且都係), “佢講左好幾年架啦”..

又真係俾佢睇死, 今年去唔成..

計錢, 計時間, 計quali, 冇樣夠..

@廣州仲有二日就搬o既apartment蚊香薰眼中

憨人日記

Saving private Corolla

Posted by kin on

人家都說不要跟公司談戀愛, 我左耳聽了進去偏又從右耳走出來, 賣掉公司吐些錢輕輕鬆鬆多好, 偏偏犯賤要做下(上)去..

     X          X          X

這回更加無藥可救! 明明從來對車都沒興趣的, 花了6000大元 (其實是3000, 跟朋友夾 :) 買回來的Corolla (“11年陳”), 才用了一年不到, 居然也不捨得賣!

也難怪我呀, 11年陳的Corolla的確是好端端的. 外殼是有少許殘, 這我承認, 但因此用起來一點壓力都沒有, 讓我更喜歡了. 另一輛需要非常愛惜的車就不同了 (也不是貴車喇, 只是極具紀念價值), 駕起來感到壓力, 戰戰競競的, 泊車更是神經緊張, high花了少許, 要懮鬱半天. 擁有不了車, 卻被車擁有了. 輕輕鬆鬆的駕Corolla, 反而從來沒high花過 (或者是high花了也不知 :)

還有, 部Corolla副”偈”還是孔武有力的! 1300cc, 不但牌費平, 而且油門經常可以踩到底都唔會超速, 暢快就是兩個字. 還有還有, 雖然我買的時候已經用了11年有4個月, 但我才只是第1手(同C一樣由0數起嘛), 且以往從來沒撞過, 身家清白得很.

拋頭露面來硬銷 (但都是真心話!), 是想看看有沒有朋友願意收養她? 我這邊不收分文, 新主人負責牌費, 保險, 有時間和她上街逛逛就好. 不養時就還給我.

考慮一下吧! 我真的不想拿她去必, 更不忍心看到這露宝治被生擋.. 明明只有少許修理得來的毛病, 功能又已經足夠了, 為甚麼硬是要upgrade呢?

等待你/妳伸出援手..

2005. 冬至. 於豐田露宝治的故鄉日本東京新宿歌舞伎町.

憨人日記

皇家.馬德里

Posted by kin on

第一次去歐洲係9年前。果陣去歐洲好似係每個後生仔女指定想做O既事,多得grant loan,我可以同朋友攞住本所有香港大學生都睇,鐵行果本旅遊書,見識撞口撞面都係香港人O既歐洲 -_-!

出嚟做野之後都去過幾次英、法、北歐,但都只係出trip,甚至只係catch唔到飛機被逼滯留,冇留低行吓。今次有個好nice O既conference organizer出錢,於是去咗馬德里。咁O岩9年前走馬看花式O既歐遊,由雅典去到倫敦,都冇到過西班牙。而且多得同事夠幫手,居然有時間(仲有興緻O忝!)stay behind,逛一逛.. 話哂林行止都話西班牙係最可遊O既國家喎!

忍住肉赤食O左D西班牙菜.. 得喎..

理所當然地見唔到 “西班牙式” O既屋.. 話時話如果O的人真起D西班牙式O既丁屋,我會好想租嚟住!

第一次入場睇波,俾個球場大到嚇親.. 可惜部手機(=相機)冇電,影唔到碧咸串球政被趕出場..(當然手機有電都只會影到D蟻人啦..)


可能睇得唔多清楚.. solo dance來的


Toledo. 據聞Talk to her響度拍的(唔知堅定流,睇過(好睇!)但冇乜印象..


Plaza Mayor


硬係覺得好多表演旺角街頭都可以做,唔駛響西九…


完全feel唔到有人驚禽流感


倫敦O既秋天… transit停左一停

仲有D相響呢度